لميمةالحنينة يا لميمة
💜
💜
لميمة راك ديما فالقلب ساكنة بالفورة
أنتي أغلي ما عندي و أحسن صورة
سمات الحنان والجمال فيك محضورة
ما نبدلك لابذهب لا ماس لا بقصورة
الصبر لي فيك والحنان و الضحكة مبشورة
ظهرك أمان وصدرك جنان ويديك نخلة متمورة
لميمة الحنينة يا لميمة
💖
💖
تسعة أشهر دلحميل و الولادة والكماطة و شربة معبورة
السهير ليل والفياق و دمير هنا ولهيه كيف الكورة
ربتني و قرتني تعلمت منك التواضع والشورة
علتني لفوق بالعز ما نسرق ما نكذب ما نشكل خطورة
الله يسمحنا من الوالدين والله يجعل ذنوبنا مغفورة
لميمة وعد مني ما نضرب ما نتاجر فمسايل منكورة
لميمة الحنينة يا الميمة
💟
💟
الجنة تحت قدامك و رايتك عاليا منصورة
حقك أنا عرفوا تكلم عليه الله فصحف المنشورة
لهلا يخطيك ا لميمة العزيزة الغيورة
كتزيد تعزازلي مالي كنزور القبورة
لميمة سماحلي من ردلك خيرك مهما كتبت سطورة
لميمة أنتي الغالية أنتي البطلة وأنتي الأسطورة
بقلم عادل الغيوان
ليست هناك تعليقات:
إرسال تعليق