قصيدة بالعامية بعنوان هجرك ٱلمني
هجرك ٱلمني
و الألم يوجعْ
مالي ولف غيرك
المطرح بيوسعْ
يا ولف جاملني
و عليِّ اتسمعْ
عني لا تبعدْ
بحضورك بنسعدْ
و تتركني و تروحْ
يا من ملكت الروحْ
العين رح تدمعْ
هجرك ٱلمني
و الألم يوجعْ
..
حزني بكّاني
عمري نسّاني
و الفرح هَاجْرني
يا بوو قلب قاسي
انت عنواني
عني لا تبعدْ
مالي حدا تاني
هجرك ٱلمني
و الألم يوجعْ
...
بالله لاا تطعنْ
هاالقلبْ
بالخنجرْ
طعناتك بتقتلْ
فيِّ لا تغدرْ
هموم ماا بحملْ
حبك مرجحني
و عا الٱسى
شلحني
غدرك خذلني
تركتني مجروحْ
و بغصاتي أنوحْ
لمين اشتكي
و أبوحْ
يا خل خلّاني
هجرك ٱلمني
و الألم يوجعْ
....
حاجي تجي و تقولْ
فيك ماا مهتمْ
ياما قطفت ورودْ
و مني أكلت الشهدْ
حتى دبل هاالورد
جرحي بعدو جديدْ
بعدو عم ينزف دمْ
بكرا لما بترجعْ
عذرك ما بينفعْ
و الله رح تندمْ
مهما بكيت دموعْ
و ضويت بدربي شموعْ
قدامي رح تركعْ
هجرك ٱلمني
و الألم يوجعْ
بقلمي
نصر مصطفى
سوريا
١٧/١٢/٢٠١٧
ليست هناك تعليقات:
إرسال تعليق