( اللي شفتـــه من تاريخـــك )
***********************
كنت قاعد زى عادتي
وكنت سارح في الخيال
فجأة شفت بنت حلوة
كان بترسم ع الرمال
كان إيديها بيضة خالص
و الخدود فوق منها خال
مين يا صاحبي عنده قلب
ومش هيخشع للجمال
اقتربت.... جنب منها
ورحت بادئ بالسؤال
الجميلة ... منْ بلادنا ؟
ولا نسل البرتغال
فجأة بصت نحوى قالت
مش هاجاوب ع العيال
أيش تريد من بنت حلوة
تخشي أعقابَ الوصال
الجميلة من بلدكم
بس ساكنة فى الجبال
قلتُ أين تقطنين ؟
إني عاشق للحلال
خبريني من أبوكى ؟
وكيفَ تدركُهُ الرجال
رح قالتلى يا حبيبي
بابا عايش في الصومال
هو دايما في ملابسه
يرتدى حلو العقال
الكمال دايما صفاته
بس فيه بعض الهبال
أما ماما فى الطريقِ
لو تراها ... تقول غزال
كل حتة من جمالها
فيها أوصاف الكمال
مش يعيبها أي شيء
غير بتمشي ف الشِمال
قلت يبقى ... مافيش نصيب
إنتى وحل من الوحال
مين يصدق يا حياتي
قلبي يسكن فى الوبال
رح قالتلى حرام عليك
ممكن أسألْ لك سؤال
لما ..إنتَ .... مش رايدْنى
ليه ترش علينا مال
ليا دايما كان تقولْلى
إنتى حته .. من هلال
مهما حاولتُ التداني
الوصولْ ليكى محال
ارحميني يا ملاكي
وخبي شعرك جوه شال
قلت يعنى... الكلمة حِرْمتْ
ولا أضربْ .. ميت مثال
ما انتى ياما قلتي ياختى
وكنت واقفْ كالجبال
ذنبي يعنى كنت احبك
يحرق القلب اللى مال
كل شاعر ليه حبيبته
بس حبك لي سُعال
اللى شفته من تاريخك
صدقيني لا يقال
فجأة بنتي ... رح نادتْ لي
كلمْ الأستاذ بلال
نص ساعة ...وهو ينده
وأنت غارق فى الضلال
قلت غورى قولي لأمك
خلى تخطب... لي آمال
وانْ قالتْلك ...لا قوليلها
رح يجيبها ...بأي حال
هو شرب عصير بمنجة
زى طعم البرتقال
مين يقول الطعم واحد
يبقي بغل من البغال ؟
****************
شعر / حمودة سعيد محمود
الشهير بحمودة المطيري
ليست هناك تعليقات:
إرسال تعليق