عطر الأرض /بقلم// حسن حلمى

قصيدة : عطر الأرض .             . 1/ 3/ 2019
                  بقلم الشاعر : حسن حلمى
لفلفينا يا سواقى
                       بالخطاوى ودوخينا
كل ما نروى فى ارضك
                      عطر وردك ماهو لينا
لفلفينا ودوخينا.
                      مر الزمان ياما سقينا
ياما كنا بنروى ارضك
                     وارضنا ضبلت فى ليله
كله منك يا سواقى
                    فى ارض بور احنا روينا
وناويه تانى تدوخينا
                    مش حرام تدبل ورودنا
واحنا لسه العود مفتح
                   عايزه  ايه  منى  قوليلى
مكفياك طول سنينى.
                     تروى غيرى وتسبينى
ناويه تانى تعطشينى
                     ولا ايه  قصدك  معاى

ناسيه ليه اصل الحكايه
                 شوفى نفسك فى المرايا
لما كان العود يميل
                 كنت اجرى واروى زهرك
قبل ما تدبل ورودك
                  كنت اعطرلك خدودك
بس همسه ولا لمسه
                 عطر عودك يفوح عبيره

كل ده وقلبك نسينى
                   ولا ناسى نور عيونى
قبل ما تبكى عيونك
                  كانت الضحكه لعيونى
تنورلك نور عيونك
              بقلم الشاعر : حسن حلمى