خواطر... هريدي. بقلم إسماعيل هريدي
(2) أنا المصري
يدوب سبوبه
وحدوتة ست مغلوبه
تشحت بيا
من كل بلد رغيف
وتاكلوا هيا وتنساني
ووش الضيف
أنا المصري
يدوب سلعه
يتاجروا بدمي
ويبيعوا فيه
نقطه نقطه
وضلعه ضلعه
وفي الآخر
يدهسني
يحرقني بحتة ولعه
أنا المصري
بقيت هم علي قلبه
تقيل الدم
ممسوح من دفتره
باستيكة
يدوب صوره
بطابشيرة
ومرسومه علي الحيطة
أنا المصري
رخصوني في بلدني
هاجيب العزة من برة
أنا المصري مقهور
ومتحصر علي بلدي
إللي كانت في يوم حرة
أنا المصري
بصوت غايب
وإنتخابات مطبوخه
ومش حره
بصوت مبحوح
أنامدبوح
ومعمولي قلب مفتوح
من الرقبه للصرة
أنا المصري
أنا ضرتهم المره
أنا في تاريخهم يدوب نزوه
مش معدود في الحسبه
مش هنا خالص
أنا بره
تحياااااااااتي
إسماعيل هريدي 2017/3/08
ليست هناك تعليقات:
إرسال تعليق