_________ ورق مختوم _______
مين فينا عامل حساب بكره
يا دنيا لاهيانا في كل يوم
في ثانية تبقي سيرة و ذكره
وقبل اسمك يتكتب مرحوم
ما بناخدش من إمبارح عبرة
والموت مبقاش له سن معلوم
عايشين في التباهي والشهره
والغرور والتعالي علي القوم
مين فينا عامل حساب بكرة
لكن حساب التباهي محسوم
ولكل معامله فصلة ونقرة
وقنعرة الناقص اساس مهدوم
فاكر الحياة مفيهاش أخرة
وعنوانه للأجل خفي ومعدوم
عمر ما كان الأصل قشرة
ده الكتاب واضح التقويم
يشرح القلوب بأي فكرة
وينور الطريق لكل محروم
عمر ما كان للموت خبرة
طول عمره قرار محتوووم
ورقة العمر بتقع من الشجرة
لا تعرف الصحيان ولا النوم
والميعاد ميعرفش جوه ولا بره
ولا يعرف إنه خبر مشئوم
ولا يعرف إن الموت حسرة
وعمر ما كان الزمن بيدووم
الناس فاكره إن الحياه حره
نسيوا إن الدنيا ورق مختوم
وحلاوتها مهما زادت مره
وصورة الحافي معانيها بالكوم
والحسنة في الميزان بعشرة
ويوم الحساب لا فيه قمر ولانجوم
_________________________________
.............. حسن الشوان ............
ليست هناك تعليقات:
إرسال تعليق