......مولد القمر......
.........................
كل ما بيولد القمر عنا بيوم جديد
نجوم السما بتغار وتغازلو من بعيد
ويحلا الهمس بالليل عا الطرقات
ويغفى الحكي عا كتاف المواعيد
.....
ودوساتنا بكداس الزهر ما بتنمحي
وقراص عباد الشمس بتشوفنا وبتستحي
وتوشوشيني عن قريب وتسرحي
ودقات قلبي عا صدى الكلمات شو بتزيد
.....
وتغفى عا ضوو المصاطب والبيوت
والناس عا بواب السهر بتفوت
بخبز المحبة وبسمات من ياقوت
وعيون تغزل هوى متل ما بتريد
.....
والناس كلن بيلاقو للقمر
عند المسا يبيعو خيالات وصور
شو بيصر عند المسا
متل السحر..متل القدر
متل الطفولة الحالمة بالعيد
.....
وبتضلك بقلبنا يا قمر
تتروح عا مطرحك البعيد
بحضن الحلم ..بحضن السما
ومننتظر تولد بيوم جديد
وجيه شاهين
ليست هناك تعليقات:
إرسال تعليق