عايز تشوفني
وتعيد الجرح من تاني
عايز تكسرني
زي زمان وتنساني
ولا عايز تقتلني
وتفوتني غريق فى أحزاني
أنا مش عارف ايه اقولك
ولا اقولك ايه تاني ....
يالي رميت فى إيديك أيامي
يالي هويت فى عينيك أحلامي
يالي عشقتك وانا قدامي
الف طريق يتمنوا هوايا
يالي رسمتك جوه فى قلبي
يالي اديتك عمري وحبي
يا أخذتك أغلى حبايبي
واتمنيتك تبقى معايا ....
أسمع مني كلام مجروح
خلا الدنيا تبكي عليا
وانت بتزرع فيا جروح
وكل ما احب تعذب فيا
قولي عايز تشوفني ليه
ما انت ياما شفت دموعي
نفسك تقتلني ولا ايه
ولا نفسك تشوف خضوعي ....
حبي ليك ما كانش خضوع
ولا كان فى قلبى لحظة رجوع
حبي أغلى من حياتك
من أمالك وأمنياتك
حبي ليك خلاني احبك
بعد غدرك بعد جرحك
وإن سألت الليل يقولك
مين جرحتو واتمنى فرحك
مين قتلتو وفضل يحبك
مش أنا اللى وقفت جنبك
مش أنا اللى رماني قلبك
مش أنا اللى قسيت عليه
مش أنا اللى عذبت فيه
طاب قولي عايز تشوفني ليه
آه يا قلبك ****
(بقلمي .عصام عبدالحميد)
ليست هناك تعليقات:
إرسال تعليق