بعد ما باعني قلبك
فكراني هفضل أحبك
لا والف لا
أنا من زمان كرهتك ....
كرهتك وكرهت معاكي
حكايتي وذكرياتي
وقلبي إللى رعاكي
مبقاش مِلك أمرك ....
كرهتك يا رحلة ضياع
كانت كذب وخداع
وقلبي الشاري باع
وقال أيوا كرهتك ....
عيزاني بعد جرحك
أجري واخدك فى حضني
واذاي أقدر أسامحك
وإنتي إللى حرقتي غصني
لا يا قسوة زماني
إنسيني وإنسي مكاني
مااقدرش أديلك حناني
ولا اقول تاني أحبك ....
الدموع وي الليالي
وتالتهم كان عذابي
خلوني قفلت بابي
على غدر وجرح منك
وسنين أنا عشتهالك
وأماني نولتهالك
خلاص ما بقوش عشانك
وقلبي قال كرهتك ....
كرهتك يا رحلة ضياع
كانت كذب وخداع
وقلبي الشاري باع
وقال ايوا كرهتك ....
((بقلمي .عصام عبدالحميد))
ليست هناك تعليقات:
إرسال تعليق